Türkiyənin 300 kinozalında Həzrəti Məhəmməd (s) filmi nümayiş olundu

Tehran, 29.10.2016 – Həzrəti Məhəmmədin uşaqlıq dövründən bəhs edən "Həzrəti Məhəmməd: Allahın elçisi" filmi, oktyabrın 28-dən etibarən Türkiyədə nümayiş olundu.

Beynəlxalq Quran Xəbər Agentliyi (İQNA) Maide.Az-a istinadən məlumat verir ki, film Türkiyənin müxtəlif şəhərlərində 300-dən çox kinozalda nümayiş olundu.

Qeyd edək ki, Məcid Məcidinin rejissorluğu ilə çəkilən filmin baş operatoru "Oskar" mükafatına layiq görülmüş italiyalı Vittorio Storaro, bəstəkarı daha bir "Oskar" laureatı hindistanlı Allah-Raxa Rəhmandır.

Bir çox kinematoqraflar bu filmin təkcə İslam dünyasında deyil, xristian dünyasında da böyük əks-səda doğuracağını söyləyirlər.