Quranı təhqir edən ölkələrə qarşı siyasi və iqtisadi tədbirlərin görülməsinin zəruriliyi
"İQNA", "Ərəbi 21"-ə istinadən xəbər verir ki, üzv ölkələrin Xarici İşlər Nazirləri Şurasının dünən, iyulun 31-də keçirilən virtual iclasının sonunda İslam Əməkdaşlıq Təşkilatının bəyanatında vurğulanıb: "İslam Əməkdaşlıq Təşkilatı üzv ölkələrin Qurani-Kərimin təhqir olunduğu ölkələrlə münasibətlərində siyasi, iqtisadi, mədəni və digər sahələrdə müvafiq tədbirlər görmələrini istəyir.
İslam Əməkdaşlıq Təşkilatı bu bəyanatda Qurani-Kərimin təhqir olunmasını pisləməklə yanaşı, İsveç və Danimarka hökumətlərinin bu cür qeyri-insani və iyrənc hərəkətlərə icazə verməsindən təəssüfləndiyini bildirib.
Bu bəyanatın davamında vurğulanır: "İsveç və Danimarka hakimiyyət orqanlarının bu cür əməllərin təkrarlanmasının qarşısını almaq üçün tədbirlər görməməsi Birləşmiş Millətlər Təşkilatının Təhlükəsizlik Şurasının 14 iyun 2023-cü il tarixdə birgəyaşayış və beynəlxalq sülh və təhlükəsizlik haqqında qəbul etdiyi 2686 saylı qətnaməsinin pozulmasıdır".
Həmçinin qeyd edilib ki, Qurana təhqirin davam etməsinə etiraz etmək üçün Avropa Birliyinə bir heyət göndəriləcək.
4159703
