Маҷлиси шиаёни Лубнон: Эрон собит кард қудратманд ва ғайри вобаста аст

ИКНА - Шайх Алӣ Ал-Хатиб, ноибраиси маҷлиси Аълои исломии шиаёни Лубнон дар вокуниш ба ҳамлаи бесобиқаи Эрон ба мавозеи режими палид ва ҷинояткори саҳюнистӣ дар сарзаминҳои ишғолӣ изҳор кард: Эрон собит кард, ки кишвари қудратманд ва ғайри вобастааст ва аз ҳуқуқи худ ғофил намешавад.

Ба гузориши Ал-Аҳд, Шайх Алӣ Ал-Хатиб, ноибраиси маҷлиси Аълои исломии шиаёни Лубнон тасреҳ кард: посухи Эрон ба таҷовузи режими саҳюнистӣ ба консулгарии он дар Димишқ як ҳаққи табиӣ барои Эрон аст ва собит кард, ки ин кишвар қудратманд ва ғайри вобаста аст ва аз ҳуқуқи худ ғофил намешавад ва бо сарбаландӣ ва қудрат аз иззат ва ҳокимияти миллӣ ва ҳокимияти уммати исломӣ ва миллатҳои он дифоъ мекунад.

Ноибраиси маҷлиси Аълои исломии шиаёни Лубнон гуфт: мо шуҷоат ва дирояти раҳбарии Эрон дар таъйини аҳдоф ва замонбандӣ барои боздорандагии режими саҳюнистӣ, ки ба ҷиноёт ва терроризм алайҳи ғайринизомиёни бегуноҳ ва нақзи ҳурмати кунвонсиюнҳои байналмилалӣ ва қавонини динӣ ва ахлоқӣ идома медиҳадро тамҷид мекунем.

Шайх Алӣ Ал-Хатиб, ҳимояти ошкори бархе кишварҳо аз режими кӯдаккуши саҳюнистӣ дар куштор ва овора кардани фаластиниҳоро ба шиддат маҳкум кард ва гуфт: умедворем сарони режими палиди саҳюнистӣ биёмӯзанд, ки ояндае дар минтақа надоранд.

https://iqna.ir/00HfJj